140x140

ÚRSLITIÐ AV LANDSSEYÐASÝNINGINI 2014

Fríggjadagin 21. novembur 2014 vóru úrslitini av árligu landsseyðasýningini kunngjørd á Búnaðarstovuni í Kollafirði. Her vóru virðislønir lætnar til vakrastu veðragjólingarnar, veturgomlu veðrarnar og eldru veðrarnar.

Á hvørjum heysti eru seyðasýningar úti um landið, har sýnarar døma seyðin og velja teir vakrastu seyðirnar, sum síðani verða sýnaðir av útvaldum sýnsmonnum frá Búnaðarstovuni. Teir ferðast um landið og sýna hesar seyðir. Somuleiðis taka teir myndir og videofilm av seyðunum, og aftaná savnast teir á Búnaðarstovuni at avgera, hvørjir seyðir eru ávikavist nr. 1, 2 og 3 í hvørjum av bólkunum: veðragjólingar, veturgamlir veðrar og eldri veðrar.
Avgerðin
Úrslitini blivu almannakunngjørd fríggjakvøldið 21. november 2014 á einum tiltaki á Búnaðarstovuni, har eini 110 áhugaði vóru komin saman.


Úrslitini vóru hesi:

 

Veðragjólingar:
1. Virðisløn Jóhan Petur Kjærbo, Høvdarhagi  – Heimaripartur, Skopun
2. Virðisløn Jústines Justinussen, Hegnið, Skáli
3. Virðisløn Júst Rubeksen, Húsahagi, Tórshavn

 

Veturgamlir veðrar:
1. Virðisløn Jústines Justinussen, Hegnið, Skáli
2. Virðisløn Antines Iversen, Frammihagi, Kvívík
3. Virðisløn Tummas í Niðristovu, yngri, Heygahagi, Innarahelvt, Vestmanna

 

Eldri veðrar:
1. Virðisløn Thorvald Lútsen, Syðradalshagi, Sunnaripartur, Syðradalur S

2. Virðisløn Tórálvur Danielsen, Hjallahagi, Glyvrar

3. Virðisløn Óli í Hjøllum, Porkeri

 

Videoupptøkur av seyðinum síggjast undir: Royndarstøðin - Seyðasýningar - Landsseyðasýningin 2014

 

Landssýnararnir
Teir, sum sýnaðu til landsseyðasýningina í ár vóru: Poul Samuelsen, Haldórsvík, Dávur Emil Hansen, Tjørnuvík, Eyðstein Jensen, Tórshavn, Jógvan P. Christiansen, Skáli og Frits Poulsen, Sumba. Ari Jóhannesson úr Kvívík var skrivari og tók  myndir og videofilmar, og Hans Martin Andreassen úr Kvívík var samskipari.

 

Niðanfyri eru nakrar myndir frá tiltakinum fríggjakvøldið:

 

« Aftur

Búnaðarstovan · Frammi í Dal 166 · FO-410 Kollafjørður · Føroyar · Tel. (+298) 479 000 · Fax (+298) 479 020 · bst@bst.fo
EAN nr.: 5797100000522 · V-tal: 403369