140x140

ÚRSLITIÐ AV LANDSSEYÐASÝNINGINI 2018 VERÐUR KUNNGJØRT 16.11.2018

Fríggjakvøldið 16.11.2018 kl. 19.00 verður alment tiltak á Búnaðarstovuni, har úrslitið av Landsseyðasýningini 2018 verður almannakunngjørt. Sýnsmenn hava verið um landið og sýnað seyðin, sum varð meldaður til Landsseyðasýningina. Teir hava verið í Norðoyggjum, Eysturoynni, Streymoynni, Sandoy og í Suðuroy.

Skráin fyri dagin verður hendan:

·         Vælkomuheilsan og felagssangurin “Nú hvítna tindar fjøllum á”.

·         Ari Johanneson vísir videoupptøkur av øllum teimum brundseyðum, sum hava verið meldaðir til landsseyðasýningina í ár.

·         Debes Christiansen, Heilsufrøðiliga Starvsstovan, greiðir frá um ridluskriða verkætlan.

·         Kaffisteðgur.

·         Ari Johanneson vísir videoupptøkur av upp í 8 av teimum bestu brundseyðunum í hvørjum flokki.

·         MBM hevur kunnandi framløgu um fóður.

·         Úrslitini av Landsseyðasýningini 2018 verða kunngjørd og steypini handað. 

Tiltakið endar við, at Tjóðsangurin verður sungin.

Eftir sjálvt tiltakið eru fólk hjartaliga vælkomin at verða sitandi til eitt gott prát.

« Aftur

Búnaðarstovan · Frammi í Dal 166 · FO-410 Kollafjørður · Føroyar · Tel. (+298) 479 000 · Fax (+298) 479 020 · bst@bst.fo
EAN nr.: 5797100000522 · V-tal: 403369