Búnaðarstovan

Búnaðarstovan heldur til Frammi í Dal í Kollafirði. Virksemið fevnir í høvuðsheitum um ávikavist bæði landbúnaðarroyndir og -ráðgeving, og um fyrisiting av allari landsjørðini (festijørðini) og av stuðulsveitingum til føroyska landbúnaðin. Til stovnin hoyrir hagi (Heygshagi), bøur, fjós og løður, og ein vælútgjørdur fyrisitingarbygningur við skrivstovum og ymsum serhølum, eitt nú eini vælútgjørdari skúlastovu til undirvísingar- og fundarvirksemi.