Leigu- og sakargjøld
Gjøldini eru sett við heimild í Kunngerð um umsiting av landsjørð, sum seinast broytt við kunngerð nr. 96 frá 3. juli 2013
Kapittul 9
Leigu- og sakargjøld
§ 11. 1) Fyri sølu av jørð, makaskifti, marknaumskipan, servitutstriking, festaraskifti og sáttmálar verða ásett hesi gjøld:
1) Fyri sølu, makaskifti, marknaumskipan, servitutstriking av grundstykkjum av vanligari stødd kr. 2.000,-
2) Fyri sølu, makaskifti, marknaumskipan, servitutstriking av størri øki 1½ % av keypsprísinum, tó í minsta lagi kr. 2.000,-
3) Makaskifti kr. 2.000,-
4) Marknaumskipan kr. 900,-
5) Servitutstriking, átekning skeytir kr. 900,-
6) Býarhegn/vetrarfriðing kr. 5.000,-
7) Festaraskifti kr. 3.000,-
8) Leigusáttmálar og ískoytir til leigusáttmálar kr. 1.000,-
9) Leingjan av leigusáttmála hjá sama leigara kr. 500,-
10) Traðarleiga kr. 500,- um árið
11) Leiga av neystagrund kr. 100,- um árið
12) 2) Leiga av lítlum óinngirðaðum lendi til transformatorstøð, mastrar og antennur kr. 500,- um árið
13) Leiga av størri lendi til størri anlegg, so sum vindmyllur, aling o.a. kr. 3,44 pr. m2 (2008 prístalið), tó ikki minni enn kr. 5.700,- um árið (2008 prístalið)
14) 2) Onnur leiga av lendi í styttri áramál kr. 5.700,- um árið
15) 2) Fyri leigusáttmála millum Búnaðarstovuna og kommunu um lendi til almannagagnligt endamál kr. 5.000,- um árið. Leiguupphæddin verður prístalsviðgjørd sambært galdandi kunngjørt prístal frá Hagstovu Føroya.
§ 12. Leigugjald verður tikið fyri leigu av lendi til:
1) fóðurframleiðslu,
2) traðir, traðarstykkir og stykkir til urtagarðsbrúk, og
3) grundstykkir til húsabygging, vinnu-, ítróttar- og frítíðarendamál og til almen endamál.
Stk. 2. Leigugjaldið fyri lendi til fóðurframleiðslu, traðir v.m., verður ásett í mun til tað landbúnaðarvirði, sum lendi hevur hjá festaranum. Tó verður ásett eitt minsta leigugjald fyri fermeturin.
Stk. 3. Leigugjald fyri grundstykkir til húsabygging, vinnu-, ítróttar- og frítíðarendamál og almenn endamál verður ásett í mun til søluvirði.